Senator Chiz Escudero responds courtesy of Abante-Tonite Online

Disbarment

SEN. CHIZ ESCUDERO

Share

Dear Senator Chiz, Nais ko pong maghain ng disbarment complaint laban sa Clerk of Court ng Supreme Court, sa mga kagalang-galang na mga huwes ng Court of Appeals, mga commissioners ng National Labor Relations Commission, Labor Arbiter at sa abogado ng kumpanya. Magkano ka­yang halaga ang gagastusin para maharap ang kasong ito? Maaari ko bang isampa ang kaso habang ako ay nasa ibang bansa? Kung pwede ba magsampa ng disbarment case habang ako ay nasa ibang bansa, paano ang procedure? Maraming salamat po. Lubos na gumagalang, Antonio L. Buensuceso Jr. Dear Antonio, Ang halaga ng isang disbarment complaint ay nakadepende sa kung sino ang kukunin mong abogado upang magrepresenta sa iyo pati na mga fi­ling fees. Mahalagang malaman mo na dahil ilan sa nais mong sampahan ng kaso ay mga justice ng Court of Appeals, kailangan mong mag-file ng verified complaint sa Supreme Court mismo (Rule 139-B, paragraphs 1 and 2, Rules of Court). Maaari mong isampa ang kaso through a representative at kailangan mo munang gumawa ng isang Special Power of Attorney (SPA) pabor sa representative mo na nagsasabi na siya ay authorized na kumatawan sa iyo at magsampa ng kaso habang nasa ibang bansa ka. Kung ikaw ay nasa ibang bansa na, dapat consularized itong SPA mo. Sumasaiyo, Senator Francis "Chiz" Escudero Ilakip ang inyong pa­ngalan at address sa inyong ipadadalang mga katanungan at mga suhes­tyon. Maaari kayong magpadala ng liham sa tanggapan ng pahayagang ito sa No. 167 Liberty Bldg., Roberto Oca St., Port A­rea, Manila o e-mail sa saychiz@chizescudero.com. Maaari ring magpadala ng mensahe sa pamamagitan ng text: CHIZ <space> mensahe sa 2976.