shell tabangao refinery life

Saturday, March 21, 2009

ASSUMPTION OF JURISDICTION-TERCERA PARTE

The TRUTH will set you FREE.

dear Sen. Chiz,

mga pagbati pong muli...mabuhay po tayo....

Ang assumption of jurisdiction po ng secretary of labor na bukod sa kakatwang tyempo nito (una pang ibigay kaysa noong hilingin ito) ay hungkag sa wastong pag-aaral. Nararapat lamang ay binalikan ng butihing kalihim ang mga naging kaganapan noong nagdaang dalawang strike na naganap sa SHELL REFINERY noong dekada otsenta.

Unahin natin noong pamunuan ni Dort Manalo, may isang buwan din na nag-aklas ang TASREA ngunit sa ganoong kahabang panahon ay hindi nahinto ang operasyon ng SHELL REFINERY. Tuloy tuloy ang dating ng krudo (raw material na i-proproceso) at tuloy walang hinto ang operasyon ng planta at tuloy rin ang paglabas ng produkto sa lahat ng customers nito.

Pangalawa. noong pamunuan ni Cesar Alcaraz, ganoon rin may isang buwan ring nag-strike ang unyon ngunit muli sa ganoong kahabang panahon ay nanatiling tumakbo ang operasyon ng SHELL REFINERY at patuloy na nakapag supply ng produkto sa kanyang mga consumer ang kumpanya.

Ang dahilan kung bakit kaya ng SHELL na gampanan ang kanyang commitment sa kanyang mga consumers ay kakaramput lang dami ng mga kawaning manggagawa sa SHELL na kasapi ng TASREA. Sa bilang naming humigit kumulang sa 110 kasapi na nag-aklas kumpara kabuuang higit sa isang libo na naglingkod sa SHELL, pinagsama-samang managerial, supervisors, contractors, operator trainees, retirees, pipeline operators from FPIC, sa loob at labas ng SHELL REFINERY na patuloy ring naglingkod habang may strike ay matagumpay nilang napunuan ang kakulangang dulot naming humigit kumulang na 110 miyembro ng TASREA.

Nakita at batid na namin na kahit na kami ay mag-welga ay patuloy pa rin matutugunan ang pangangailangan ng mga consumer at hindi kailanman na ang strike ng TASREA ay naging banta o magiging banta sa national interest.Napipilitan lang kaming magwelga para ipaalam ang aming mga hinaing at hindi para pinsalain ang operasyon ng refinery.

Noong panahon ng strike binahagi po namin sa apat na grupo ang lahat ng kasapi ng unyon. Isang grupo sa umaga, isang grupo sa hapon, isang grupo sa gabi at isang grupo ang nakapahinga. Sa madaling salita ay may mga 25 katao ang kabuuan ng isang grupo na magbabantay sa pitong gate ng refinery kaya magkatatlo o minsan magkaapat lang ang nakapag babantay sa bawat gate at ang tatlong jetty (pier daungan ng mga crude, refined products at LPG shipping vessels) hindi na po namin kayang bantayan at dyan po malayang nakakalabas pasok ang mga kawaning patuloy na nagtratrabaho sa loob ng refinery.

Tuloy po ang dating ng barkong may lulang krudo tuloy din po ang mga barko na nagkakarga naman ng produkto. Ang tanging napigil namin ay ang pagkakarga sa trak mula sa depot sa loob ng refinery subalit nagagawa rin nilang kargahan ang mga trak na iyon sa Pandacan Depot dahil sa ang pipeline mula Tabangao hanggang sa Pandacan ay tuloy-tuloy rin ang operasyon. Ganoon din po ang operasyon ng black oil(fuel oil) pipeline, tuloy-tuloy po ang operasyon kaya ang langis na pang gatong sa mga industriya ay lubusang nakarating sa mga kinauukulang gumagamit nito. Dagdag pa rito ang katotohanang hindi lang ang SHELL ang gumagawa at nagbabahagi ng naturang mga produkto. Nariyan ang PETRON, CALTEX, at iba pang independent distributors na makukunan ng nasabing mga produkto. Samakatuwid maliwanag nating makikita na kahit na nagwelga sa dalawang pagkakataon ang TASREA ay hindi kahit minsan naparalisa ng welga ang operasyon o ang pagkukulang sa pamilihan ng mga naturang produkto. Kaya ang welga ng TASREA ay hindi threat sa national interest.

Ang sinasabi ng kalihim kaya niya ginamit ang kanyang kapangyarihang assumption of jurisdiction sa labor dispute ng SHELL management at TASREA ay dahilang ang strike ay threat sa national interest ay isang kathang isip lang na hindi batay sa aktual na pangyayari at karanasan.

Ginagamit lang na dahilan ang national interest upang magamit ang kapangyarihan na assumption of jurisdiction upang pigilan ang ligitimong paghingi namin ng kaukulangang kita para sa aming pangangailangan. Uupuan ng kalihim ang asunto at hihintayin kaming magutom at nang sa ganoon kahit na hawot o tuyong isda ang nasa hapag ay mapipilitan na rin kaming kainin iyon dahilan sa matinding gutom...

Napakasakit ang ginagawang ito sa aming mga manggagawa, Sen Chiz
Tulungan mo sana kami.
pause po muna..

antonio l. buensuceso jr.

Thursday, March 19, 2009

ASSUMPTION OF JURISDICTION-SEGUNDA PARTE

The TRUTH will set you FREE.

dear Sen. Chiz,

greetings pong muli... mabuhay po tayo...
ipagpapatuloy ko po ang paglalahad ng ating sinusubaybayang assumption of jurisdiction bukal ba ng korapsyon series... ngayon po ang segunda parte.

Napakaraming beses na po nating nasasaksihan ang ginagawang nationwide strike ng mga manggagawa sa sangay ng transportasyon tuwing sila ay may hihilinging dagdag sa pasahe sa mga panahong tumataas ang presyo ng produktong petrolyo, malaya nilang naisasagawa ang kanilang welga na walang assumption of jurisdiction order sa anumang sangay ng pamahalaan na nakasasakop rito. Ito bang welga na ito ay hindi issue ng national interest ? Hindi po ba nakasasama sa national interest na paralisahin ang transportation mula Luzon, Visayas at hanggang sa Mindanao. Napakaraming negosyo at hanapbuhay at mamamayan ang napipinsala. Hindi po natin maitatanggi na ang nationwide na welga ng sangay ng transportasyon ay higit na matinding kaso na nakakasama sa ating national interest. Bakit wala pong sangay ng pamahalaan ang kumikilos na kahit batid nilang ang tanggapan nila ang pinagkalooban ng batas na magbigay ng order na assumption of jurisdiction upang sa ganoon ay mapigilan ang welga upang magiging tuloy-tuloy ang daloy ng produkto at serbisyo at sa ganoon ay walang pinsalang maranasan ang mga tao at ang ating ekonomiya? Ano po kaya kung ang industriya ng transportasyon ay pag-aari ng Shell o ibang multi national corporation na ang interes ng naturang korporasyon ang mapapahamak... wala pong welga ang magaganap dahil po sa kapangyarihan ng assumption of jurisdiction order na ipinagkaloob ng batas na kaagad na gagamitin ng takdang sangay ng pamahalaan. Alam na natin kung bakit ganoong kabilis na pagkilos ang ating masasaksihan. Marahil nais nilang pangalagaan ang national interest.... maniniwala po ba kayo ? Si Juan dela Cruz mabibilog ba nila ang ulo ? Interest ng tiwaling humahawak ng kapangyarihan at multi-national corporations' interests ang kanilang isinisigaw na kasagutan. Kaya po mabuting maimbitahan sa isang hearing sa senado ang pinuno ng sangay ng pamahalaan na sangkot sa maaaring korapsyon na nakapaloob dito.
Nang sa ganoon ay makapagbalangkas ang kapulungan ng angkop na pananggalang laban sa sinumang pinuno ng pamahalaan na utak ng korapsyon at kabuktutan.

Itutuloy ko pong muli....
Marami pong salamat sa inyong panahon.

Nagpupugay,

antonio l. buensuceso jr.

Monday, March 16, 2009

AJ-assumption of jurisdiction

The TRUTH will set you FREE.

dear Sen. Chiz,

greetings pong muli... mabuhay po tayo...
Akin pong tanong.....
AJ-assumption of jurisdiction bukal ba ng Korapsyon

Ang kapangyarihan pong assumption of jurisdiction sa labor dispute ng Office of the DOLE Secretary ay labis pong naglulubog sa mga manggagawa sa lusak ng pagkaalipin, paghihirap at kawalang pag-asa. Mabuti sana ay kapag nag-utos ang kalihim ng assumption of jurisdiction ay aksyunan agad niya ito sa isang nakatakdang panahon. Yun po ang masama kanya pong kukunin ang jurisdiction sa paghahatol sa labor dispute pagkatapos ay uupuan lang niya ito. Nararapat po ay bigyan ng kaukulang sanction o kaparusahan ang kalihim kapag hindi siya nakapagbigay ng desisyon sa loob ng takdang panahon, kasama na rito ang pagbabalik ng karapatan sa mga manggagawa na ipagpatuloy ang bantang pag-aaklas kung kinakailangan.

Dito po sa kaso ng TASREA (Tabangao Shell Refinery Employees Association) laban sa Shell management taon po ang nakalipas ngunit wala pang inilalabas na desisyon ang kalihim. Nangyari pong sa paraang ito tinutulungan ng kalihim ang Shell management o alin mang kumpanya upang supilin ang karapatan ng mga manggagawa sa patas na pasueldo. Sa sistemang ito inilagak natin ang mga manggagawa sa pang-aalipin ... pilit nating muli silang magtrabaho labag sa kanilang kagustuhan... habang ang management naman ay tagumpay sa kanilang nais na wage increase moratorium habang inuupuan ng kalihim ang kaso. Habang tumatagal upuan lalong lumalaki ang pakinabang ng Shell o alin mang kumpanya.

Sa ganitong kalagayan hindi po mahirap isipin na may tatlong (3) na nakahandang pagkilos ang kalihim:
1) Dagliang paghatol sa kaso, base sa katotohanan at patas, yan ay kapag hindi bumuo ng matamis na pakikipag-ugnayan ang kumpanya, Inasahang mapait sa panig ng kumpanya.
2)Uupuan ang kaso hanggang ang mga manggagawa na mismo ay manglupaypay sa gutom at tuluyan ng sumuko. Maaring bilhin mas mababang halaga kaysa bayaring taas sa sahod ng mga manggagawa.
3)Isang desisyon na maaring patas at hango sa katotohanan ngunit ilalabas lang kung sakaling magkabukingan o magkakagipitan. Kung walang magbibigay puna ay ikukubli na.

Hinihingi po namin ang inyong tulong... alisin po natin sa kagawaran ang katiwalian...
antonio l. buensuceso jr.

Monday, March 2, 2009

good and not so good news

Dear Sen. Chiz,
Please read more here.
Greetings pong muli sa inyo... mabuhay po tayo...

Meron po akong good news sa inyo . Napili po akong "EMPLOYEE OF THE MONTH" for the month of January 2009 ng aking pinagtratrabahuhan. Ako po ay labis na natuwa sa kaganapang iyon. Pero kung may good news ay meron din naman pong not sa good news.

Natanggap ko po ang message ng aking anak mula dyan sa atin na yun raw pong isinumite naming "motion for reconsideration" para sa pag-aaral muli ng asunto ko laban sa PILIPINAS SHELL PETROLEUM CORPORATION GR-183273 ay "DENY WITH FINALITY".

Ito po isang pahina lang at ang may lagda ay ang clerk lang po ng First Division ng Korte Suprema at wala sinumang huwes ang nakalagda rito. Sa ngayon po ako ay nagsasaliksik kung may jurisdiction ang clerk na husgahan ang merito ng asuntong ito. Sa akin pong paniniwala ay hindi abot ng clerk ang kapangyarihan na nararapat sa mga huwes. Hango po sa CHAN ROBLES VIRTUAL LAW LIBRARY, xxx COURT RECORD AND GENERAL DUTIES OF CLERKS AND STENOGRAPHERS, Rule 136 sec. 4. Issuance by clerk of process- the clerk of the superior court shall issue under the seal of the court all ordinary writs and process incident to pending cases, the issuance of which does not involve the exercise of functions appertaining to the court or judge only, and may under the direction of the court or judge make out and sign letters of administration, appointments of guardians, trustees and receivers, and all writs and process issuing from the court.xxx Maliwanag po ipinagkakait po sa kanya ang kapangyarihang nararapat sa mga huwes lamang. Wala sa kanyang kapangyarihan na hatulan ang asuntong ito. Ngayon kung yun ang hatol ng mga huwes nararapat lamang na ang mga huwes na naturan ang siyang lumagda rito at kailangan na isulat nila ang kanilang mga "specific" na kadahilanan para pawalang bisa ang aking petisyon.

Nararapat lamang na ipaliwanag kung anong batas o ruling ng hukuman ang nagpapawalang saysay sa aking mga hinaing reklamo lalo na ang aking paghahabol na hindi ako binayaran ng separation pay. Ang katotohanan po ay retirement pay ko lang ang ibinigay sa akin at sa intensyong linlangin ako ay tinawag nila itong separation pay.

Alam po natin Sen. Chiz, na ang retirement pay ay bunga ng itinatadhana ng REP. ACT No.7641 ito po ang batas na nag-ameyenda Art.287 ng PRESIDENTIAL DECREE No. 442 na nag-utos na maglaan ng retirement pay para sa kanilang mga kawani kung sakaling wala pang retirement plan ang naturang kumpanya. Kaya po ang retirement pay na tinangggap ko ay halagang laan para sa aking retirement na itinakda ng batas laan para sa aking katandaan. Kaya yun po ay aking isinubi at saka ko gagalawin kapag ako ay matanda na at wala ng kapasidad pang magtrabaho. Ito pong provision ng batas na ito ay lingid sa kaalaman ng clerk of court na binanggit ko sa itaas.

Sa akin pong palagay ay hindi niya napagtanto o siya ay guilty sa tinatawag na "gross ignorance of the law" sa dahilang hindi niya alam na ang SEPARATION PAY ay ang perang inilaan ng batas para tanggapin ng isang kawani sa panahong siya ay matangal sa trabaho angkop sa paraang itinatadhana ng batas at ang halagang ito ay laan para gastusin ng kawani sa kanyang mga pangangailangan habang siya ay naghahanap muli ng bagong pagkakakitaan.
Maliwanag po na ang retirement pay at separation pay ay magkabukod na pananagutan ng kumpanya sa dahilang sila ay bunga ng bukod at magkaibang batas.
Kaya po ang ginawang pagbasura ng clerk of court ng First Division sa aking petition ay isang pagkakamali ... she might have shown to have committed an error that was gross and patent, deliberate or malicious, been motivated by bad faith, fraud, dishonesty or corruption, ignored or contradicted or failed to apply settled law and jurisprudence.

Maaari po bang maalis siya sa BAR at tungkulin pag napatunayan ang kanyang mga pagkakamali?

Muli po Sen. Chiz, humihingi po ako ng inyong tulong...
Tuloy po ang laban para sa katotohanan... para katinuan ng palakad sa ating pamahalaan...
Para sa DIYOS at sa BAYAN...
antonio l. buensuceso jr.
petitioner